Karuhatan's "Bahay Kubo" Church, Valenzuela

Isa sa pinaka-malapit na simbahan na maaaring puntahan naming pamilya ang Karuhatan Church o ang Holy Family Parish tuwing araw ng Linggo.  Sa panlabas na anyo nito, hindi mo aakalain ang gandang makikita at pulido ng disenyo. Ginusto ng arkitek nito na gawing "Filipino Church" ang nasabing simbahan.. sa pamamagitan ng pagwangis ng konsepto mula sa bahay kubo at sa mga bahay na bato.  Ang resulta ay isang simbahan na nagbibigay simbulo bagay sa patron ng paroko.

Ang harapang bahagi ng simbahan

Una, para sa akin ay isa itong nakatagong yaman. Hindi masyadong pansinin sa mga taong tulad ko na mayroon palang ganitong dapat ipagmalaki ang syudad.  Sa kanyang kinalalagyan, hindi ito pansinin ng mga dumadaan kahit na mga ilang metro lamang ang layo nito sa McArthur Highway.

Atin namang silipin ang mga ilang detalye.

Detalyeng kuha sa may harapan ng simbahan

Isa sa mga haligi.

Ang kampana na makikita sa parteng itaas.

Bumulaga sa akin ang ngiting-ngiting batang tindero ng sampaguita.

Hindi mo maitatago ang pagkamangha mo dito sa oras na pumasok ka sa simbahang ito. Mataas ang ceiling nito at nagbibigay ng kulay ang mga kinulayang capiz ng malalaking bintana.  Highlights din naman ang pinaka-altar na may mga palamuting gawa sa kawayan at ratan. 

Bahagi ng kaliwang pader sa pagpasok sa simbahan

Ang holy water font

Ang kabuuang itsura sa loob ng simbahan

Ang kanang bahagi sa loob

Ang detalye ng kisame.

Tamang-tama lamang ang liwanag na ibinibigay ng mga kandila sa bawat pader, sapat na para magbigay ito ng saktong ambiance.

Isa sa mga kandilang gamit sa pagpapailaw sa buong simbahan.

Mapapansin din dito ang mga iba't ibang mga disenyo ng mga pailaw na ginamitan ng mga kawayan. Nagpapatunay lamang na sadyang inisa-isa itong ginawa ng indibidwal – hindi kasi magkakapareho ang mga bawa't isa.

Ilaw at kawayan

Magiging komportable naman sa pakikinig ng misa ang mga sumisimba dahil sa mga upuang gawa sa kawayan at ratan. Makaluma din naman ang mismong sahig na gustong-gusto ng marami. 

Ang gawa sa kawayan na mga upuan

Gawa sa matibay na tabla ang pinakasahig. Bato naman sa pinaka sentrong pasilyo.

Patungo naman sa bahaging itaas, masisilayan ang kagandahan ng simbahan. 

Ang daan paakyat sa balkonahe.

Detalyeng kuha ng railings ng hagdanan paakyat sa balkonahe.

Click to zoom in.

Click to zoom in.

Si Aeron habang nasa may itaas na bahagi ng simbahan.

Sa mas malapitan, mas kitang-kita naman ang kakaibang ganda ng altar. 

Ang altar

Gawang pinag-halong ratan at kawayan ang mga palamuting nagpaganda sa altar. 

Malapitang kuha sa altar table. Maaring gawa sa ivory ang Last Supper na ito.

Ang imahe ng birhen na nakalagay sa kanang bahagi ng altar.

Ang Holy Family altar na makikita sa basement ng simbahan.

Hilera ng mga santo na makikita sa kanang bahagi ng simbahan.

 Ang imahe ng Maria Dolorosa na isa sa madaling mapapansin

McArthur Highway, Karuhatan

Valenzuela, Metro Manila, Philippines

Oras ng mga Misa:
Monday to Saturday (6:00AM)
Sunday (6:00AM | 7:30AM | 5:00PM)

View Larger Map